居於黃大仙數十年的55歲黃大叔，每日為照顧孫女、買餸煮飯忙得不可開交，對社會事一概少理；直至8.3黃大仙經歷全港首場「拖鞋革命」後，他坦言警方行動令街坊震怒，又形容警員亂放催淚彈如同放煙花，「好似唔使錢咁！」
撐警街坊紛罵警
黃大叔表示自己8.3晚有份圍觀，形容許多街坊都是「平常心去睇熱鬧」，更有部份街坊本來撐警，但目睹警員亂放催淚彈後都紛紛指罵。
一連數日都有到場圍觀黃大仙警民衝突的黃大叔說：「第三晚落去睇，越來越黐線，一次射幾粒出來。」黃大叔指當時身邊街坊都沒有裝備如口罩等，「我第一次嚐到催淚彈，好澀眼同口渴，皮膚灼灼地，有少少痕」。目前他最擔憂催淚煙影響三歲孫女健康。
自從黃大仙連日「食彈」後，黃大叔笑言自己由睇熱鬧變撐學生，「大學生將一生嘅前途都押落呢壇嘢，點解我哋唔多謝佢哋？點解唔肯支持佢？唔通我幾十歲同佢衝呀？我衝唔到吖嘛。」黃大叔又直指林鄭才是罪魁禍首，「點解嗰兩個字（撤回）係都唔肯講出來？你要公平，咪做獨立調查，後生（仔）唔啱就判，差人唔啱就審！」他又批評林鄭每次公開講話都火上加油，間接煽動示威者情緒，「好似當初啲人和平示威，到最尾林鄭話，要幾時通過法案，人哋咪去搞嘢囉」。