上周人海傘，今日人連鏈。逆權運動兩個多月，兄弟爬山中途，遭鄉黑藤條教仔爆缸，門牙被警棍捅甩，腳筋被荃灣黑幫斬斷，肺被將軍澳換衫男猛插，右眼被尖沙嘴警署1/8隻布袋彈射盲，醫院內被差佬綁手凌虐，十八區居民被催淚彈胡椒球的試食放題大會嗆住條氣。今日條人鏈，鏈到盡，鏈住林奠條頸，留她最後一啖氣回應五大訴求＋1！質佢回答，幾時處理自己條屍！
行屍走肉的林奠面容黯枯，髮型走樣，官運行埋何君堯的「不生路」，等唔到一切平靜下來㗎啦。落地獄的話，林奠眼都唔眨，肯定拉埋香港人玉石俱焚。唐英年搵柒大地產商撐場「拒絕攬炒」，屁！林奠就係攬炒始祖，每晚重播吳京腔「后果自負」的錄音催眠。推七百萬人殉葬，武后附身！問林奠幾時死的記者，必須密切注意老解動向。梁愛詩的「小動作」，與燈神劉兆佳唱淡出兵，邊個真？劉是出名烏鴉嘴，大家睇遠些，老解入城又點？荃灣某新樓盤的大叔準買家受訪，認為唔使怕一街之隔的黑竇二陂坊，因為「佢地只係一時獸性大發，唔刺激佢就冇嘢嘅。」獸性大發，唔係藏頭詩都明白！核爆唔割，老解唔怯的香港人，鏈贏佢！