黃大仙下邨街坊偉哥任職廚師，自稱是手停口停的打工基層。及至8.3晚上黃大仙發生警民衝突事件，他首次目睹警員追打示威者，指他們由巴士站一直追捕至港鐵站，直斥警方「會唔會過份咗？」
「扮街坊點會着拖鞋」
「當時啲示威者散咗走去地鐵站，但啲防暴警博命追落去，甚至撲向佢哋，啲街坊睇唔過眼先出來講句話。」偉哥認為示威者已撤離，警方卻窮追不捨，當時不忿警暴的他，決定留下來與街坊喝退警察。
偉哥當晚下班後約10時抵達黃大仙港鐵站，約11點半至12點之間，有一輛衝鋒車及兩輛警方私家車被包圍，他指因街坊堵住警車，警方發射催淚彈。偉哥笑指難忘當晚首次「食彈」：「流晒眼淚，眼澀澀，撐唔開。」幸好當時有救護員協助，「（佢哋）畀啲生理鹽水我哋洗眼」。他認為防暴警驅散人群無可厚非，「但驅散咪好囉，點解一定要拘捕？呢啲係咪強權鎮壓呀？」
對於有傳示威者扮街坊，他氣沖沖說：「示威者扮街坊點會着拖鞋？着住短褲短衫呀？乜裝備都冇！ 𠵱家啲示威者邊個唔戴頭盔、口罩？」
自從黃大仙發生衝突後，偉哥與兒子都開始留意時事，「我唔贊成衝擊，但元朗發生白衣人打人後，覺得政府應正視市民訴求，係警權過大咗」。