【本報訊】「越係黑暗，越要自己發光發熱，唔可以等待光。」一個月前，元朗經歷黑暗一夜。一個月後，市民在該區默站及參與放映會，抗議警方執法不公。有當晚目擊事件的商戶已走出恐懼，一個月間，周邊店舖、朋友對她的關懷增加，日後盼與同路人一起應對。亦有商戶慨嘆生意大減，希望政府回應民間訴求，修補撕裂。元朗，會有光明的一天嗎？
記者：張雅婷
踏進元朗一條街道，有店舖門外張貼反送中標語，是少數在元朗就事件表態的商戶。7.21當晚，店舖負責人阿琳在家中得悉有白衣人於元朗西鐵站打人，立即到場。當時，防暴警察已在場，但準備離開。她立即質問在場指揮官：「你哋真喺唔做嘢？真係選擇走？」換來一個冷笑，眼神似是說：「你哋自己知啦！」
文字整理揭露鄉黑脈絡
警方離開後，白衣人折返，本已離開的阿琳又返回元朗站已落閘的J出口。突然，一群手持武器的白衣人在閘口揮棍，似要「劈友」。阿琳和眾街坊拔腿就跑，但不敢跑太快，怕遺下同伴。50米、100米、200米，直到回頭不見鄉黑，眾人才敢停下。再回到現場，只見地上血迹斑斑和傷者等待救援。
阿琳形容自己當時「驚到唔識驚」，不禁疑問：「鄉黑本身喺元朗存在好複雜，但𠵱家喺我哋面前發生，咁樣打人，而好明顯同警察有默契，元朗仲點住落去？」
「當人哋劈你，唔通你劈返人就可以前進？如果唔係，點樣應對到，可以走到落去？」阿琳決定自己尋找答案，她和朋友自製當日元朗和上環衝突的時序、整理新界鄉黑脈絡，再告訴社會。每次整理，又要憶起噩夢，心力交瘁。但阿琳覺得有價值：「如果你心情唔好，唔想睇片，可以睇文字整理，嘗試睇到整個政治脈絡，可能會諗到點做。」
門外的標語直接表明立場，為支持反送中運動，店舖近月有三分一日子停業。經過7.21，阿琳直言會驚，但同時感受到周邊商戶的關懷，亦有思考日後可如何應對；再者，她相信即使是元朗鄉村，亦有不同的人，不一定全是鄉黑。
和理非促政府回應訴求
元朗7.21事件並非單一案例，近日將軍澳斬人事件、警員涉私刑毆打老翁，都令阿琳覺得「冇得唞」。社會變得昏暗，阿琳勉勵同路人勇敢面對：「越係黑暗，越要自己發光發熱，唔可以等待光。如果多啲人有光，點亮旁人有光，就可以用光呼吸住、走落去，總好過自己蓋熄自己把火，就由得呢度黑晒。」
另一商戶黃先生在元朗開業一年，他說這區本來十分熱鬧，但近一個月遊客數目已減少，生意亦受影響，相信與7.21事件有關。當晚事發時他已經離開店舖，得悉事件後感到驚訝：「好誇張，點解冇警察阻止？」
黃形容自己是和理非，擔心將來會發生同類事件。黃認為社會目前氣氛已變成撕裂和對立，他想對政府說：「五大訴求，缺一不可。因果由國，容港治己。」