和理非主場嘅反送中、反警暴遊行有超過170萬市民上街，不過八方留意到，呢排和理非抗爭好似唔見民主派召集人毛孟靜身影，佢噚日係fb「報平安」，原來佢因為要娶新抱，所以去咗哈薩克，仲鬧有專欄話佢唔見人係避走國外。毛姨呢個post好快火速爆紅，不過唔係因為恭喜佢娶新抱，而係一向優雅嘅毛姨姨，今次鬧人學咗網民用「CLS」！
去哈薩克娶新抱
毛姨姨話係哈薩克過咗幾日冇互聯網嘅日子，受缺乏資訊之苦，返到市區先知道8.18遊行基本上無驚無險。佢又話今次娶新抱籌備咗成半年，係人生大事，但竟然有垃圾報專欄話佢「避走國外」？之後毛姨姨加咗三隻英文字：CLS、即ChiLunSin（黐X線）。而呢三隻字立即引起網民起哄，話估唔到一向優雅嘅毛姨姨都學咗網民鬧人CLS，有網民仲話想聽毛姨姨親口講CLS三次，要港式、英式、美式口音各一次！