70年代花旦溫柳媚，因一場車禍改寫人生，至今仍是單身，她坦言不需要伴侶共度餘生，跟胞弟同住的柳姐回望過去的三段情，她與何守信的一段情最轟動。提及柳姐當年與何守信分手，大罵對方一腳踏兩船，濫愛、花心、爛滾，及後何守信自責當時不懂如何處理變了的感情。柳姐笑指是個感情執着的人，卻遇上博愛的何守信，她說：「我都問過佢，你究竟有冇愛過我？定係借我過橋？問完唔係好記得佢嘅答案。」
但原來，柳姐遇上車禍後，仍有跟何守信聯絡，她說：「當時我話同無綫滿咗約，都未返得工，實唔會同我續約啦，點知我講完，何家聯（無綫前高層）打電話嚟話照舊合約做，續一年約，薪水唔變動，我諗係佢（何守信）同何家聯講。」