他的故事要從15歲的懵懂歲月談起，有天其教練王緒威深夜致電他，表示總會邀請他代表港隊出戰城市田徑賽的撐桿跳項目，「我平時係唔會有呢種機會，咁冇話要代表香港做咩成績，有比賽就去玩。」撐桿跳素來在港甚為冷門，教練少，青年運動員鮮有接觸，連學界也不設此項，碰巧張培賢曾參加十項全能，留下撐桿跳成績，蜀中無大將下硬着頭皮步上賽場，「當時唔係專項練撐桿跳，咩都練吓咁，只係耐唔耐先玩撐桿跳，技術上唔係咁好。」初披港隊戰衣，戰戰兢兢，以為即使未能揚威主場，也不致失禮人前，豈料才剛熱身，轉頭已血濺當場，黯然退賽，張培賢尷尬憶述，「我熱身時整親，撞到個架流晒血，因為正常跳就係正面跳，但我跳嘅時候側埋咗，結果比賽都未比就走咗去急救。」10年過去，他記得外隊運動員靈巧的動作、記得自己鈍拙掛彩、也記得盛夏中落寞的身影，當時他暗自許諾，「如果要代表香港就唔可以咁渣。」
從15歲到26歲，10年以來香港短跑、跳遠、跨欄等項目人才輩出，同齡運動員早亮相國際大賽，偏偏張培賢卻一直不見出頭。初中時他本練跑步，但自知不是當氣袋材料，「我以前玩長跑為主，但好渣，咁啱嗰年學校轉咗教練，佢比較推崇十項全能，我同另一個師兄就跟佢出去玩。」轉戰全能一身刀，表現卻浮浮沉沉，他苦感難以兼顧，「十項keep住練晒咁多項，但練習課又少，好似咩都練唔到，不如就揀一項集中練。」兜兜轉轉，十項中他終選中撐桿跳，本港以此為專項者寥寥可數，比賽來去也是十餘人，大部份對手也是兼顧全能的運動員，張培賢獨愛與高度比試，「呢項要做嘅嘢就係突破高度，目標比較明確，樂趣就係見到可以換長桿、立柱又向上突破格數。」