以為苦盡甘來，但他貴為香港撐桿跳一哥，最佳成績卻仍未達田徑總會培訓標準（5米11），不符體院資助資格，零收入自費訓練，他慶幸在功利社會中，家人願意在背後支持，「屋企人唔會畀壓力，但係如果我家陣選擇做嘢，未來我就冇乜機會玩番呢項運動。」
做夢很廉價，切實追夢才知難度之高，香港體育世界「訓練、成績、資助」三環緊扣，不下苦功焉得佳績，沒有佳績何來資助，沒有資助又難以吸引運動員放棄其他發展全心訓練，張培賢自資全職練習實屬體壇小眾，他不諱言：「可能九成運動員係有成績先會轉全職訓練，外人睇我可能會覺得好奇怪，我冇出眾成績、又冇體院資助都願意自資，問題係冇資助就唔練嘅話，其實會係惡性循環。」曾經質疑投身撐桿跳的決定嗎？他只知向着標桿直跑，「潑冷水就好少，但其他人會諗『你得唔得㗎？』，但我都唔肯定自己嘅話，中間嘅過程就一定好辛苦。」
張培賢不屬體院運動員，只能在康文署運動場限時限刻訓練，自費約見物理治療師，出國集訓比賽也自掏腰包，「我去做gym要畀錢，食飯都係返屋企食。」他的日常開支全圍繞撐桿跳，器材也所費不菲，撐桿跳長桿一支動輒近萬元，加上不同長度硬度效果各異，他購買多支以備不時之需。桿長數米，平日存於運動場倉庫中，如遇比賽也要特意召來5.5噸貨車運送，他笑說：「有時我同其他運動員一齊運，如果唔係夾份運呢，司機反應就好搞笑，『吓！淨係運兩條嘢呀？』」