我好奇把自己撐上三、四米高空時俯視地面是何等風景，諷刺的是，張培賢追求高度，生來卻是畏高，凌空倒望跑道的風光教他心驚，「我如果企喺高位邊嘅時候，有個諗法會好似想跳落去，練撐桿跳嘅時候要倒轉望番跑道，一開始練到嗰個位真係驚。」英諺說如欲騰空而起，必先卸下一切拖累自己的重擔贅物，心魔久而久之也能克服，但技術細節倒成絆腳石，單練一式彎桿彈起已花上他數年時間，「一開頭我係練直桿，我點練都bend（彎）唔到支桿，我教練磅數比我輕，佢都bend到，我就係一直都做唔到，一卡就卡咗幾年。」21歲始專注訓練撐桿跳，更遲遲未習得關鍵動作，會否痛惜太晚起步，錯失十來歲的黃金日子？他聳聳肩說：「唔遲都遲咗啦，早啲練專項有機會會好啲，不過家陣我都過咗年青嘅位，咁不如趁我有時間，盡量每一課都練好啲。」三屆亞錦賽撐桿跳冠軍澤野大地年屆38歲仍然活躍體壇，張培賢引以自勉，「佢38歲仲跳緊日本頭幾名，唔可以俾年齡局限自己發展。」
天道酬勤，2017年張培賢跳出4米40平香港紀錄，同年他到英國攻讀碩士，雖然去年六月在彼邦練習時出意外，當時他採用新桿，起跳時時緊張失誤，反向後彈落地致腕骨斷裂，需養傷半年，不過他回港後把心一橫，全職訓練，今年二月始正式復操，4月起已3破港績，4米41、4米42、4米45，歲月不等人，可幸成績如時鐘上的秒針逐格躍動。