支持香港反送中集會係全球遍地開花，但每次都有大班身在外國、又打住愛國旗號中國憤青唱對台，好似日前加拿大反送中集會，就有大班於當地嘅愛中國愛黨憤青到場玩騎劫，但今次呢班人竟然柒出國際，搞到在場加拿大警察都忍唔住偷笑！
話說噚日網上流傳一條片，片入面呢班愛國憤青舉晒中國旗，但片入面佢哋叫嘅口號唔係「One China」或「Love China」，而叫錯咗「Free China」！呢句嘢應該係反送中人士叫，為乜會係憤青叫？為乜撐中共變成鬧中國政府呢？條片仲影到在場維持秩序嘅加拿大警察陰陰嘴笑，擺明恥笑班友，究竟班人係唔識英文叫錯口號，定收咗維穩費hea做求其叫口號搞錯咗呢？真係無從稽考喇！