容祖兒前晚在紅館第14場「Pretty Crazy演唱會」，請到張智霖（Chilam）及農夫擔任嘉賓。祖兒前晚再度登上高空纜車跟歌迷唱K，還與前來睇騷的弟弟容逸恆對唱。農夫上台時，C君搞笑自嘲 : 「如果在座任何朋友想退飛，唔需要唔好意思，我自己都退咗，我睇到今晚嘉賓農夫，我幫你哋諗埋，你點面對睇之前個啲嘉賓啲觀眾，你諗吓一齊食飯，你朋友問『你嗰晚邊個嘉賓？』人哋話張學友，你話農夫，幾難聽，兩個垃圾。」
第二位嘉賓Chilam緊接農夫出場，祖兒在台上大爆：「我哋係同居關係，不過，同居不同層，我哋住同一座大廈。」Chilam說：「我有個小秘密想話你知，我個仔撞到你幾次，佢好怕醜，你出咗電梯，佢就問我『Who is she？』我答佢『She is a diva！香港天后！』」
撰文：翁可人