【澳門直擊】楊思琦、文頌嫻、姚樂怡和鍾麗淇等前日帶同女兒到澳門出席跳舞表演活動，思琦表示女兒學跳舞近三年，最初想幫囡囡報芭蕾舞，希望身段可以更柔軟，但囡囡自己選hip hop，覺得較有型。
文頌嫻、鍾麗淇和姚樂怡份屬老友，三人的女兒也有學跳舞，更一起表演，她們指不擔心女兒的表現，最重要是享受過程，鍾麗淇說：「我反而緊張，佢第一次上台，大到我都會驚，佢勇敢上台已好好，唔好跌落台就得。佢冇乜演戲細胞，但似遺傳咗我瑜伽天份，我有教佢做啲動作。」三位小朋友經常見面，被問到會否長大後組成女團？鍾麗淇說：「只係諗大個一齊去玩，大個咗佢哋話事。」
採訪、攝影：曾小嘉