73歲的Joe Junior經常在劇中飾演神父，在節目《3個小生去旅行》中卻經常被謝賢窒。在娛樂圈工作逾五十年，他自有一套生存之道，皆因年輕時已嚐盡白眼，冷暖自知，加上前年心臟出事入院通波仔，經歷個多月的半癱生活，令他更珍惜眼前人，那個與他同甘共苦的髮妻及靈魂伴侶。
在13歲時，Joe Junior受Paul Anka歌曲《Diana》啟蒙，立志做歌星，65年開始夾band，當年唱片賣兩萬張，但隨後國語流行曲及廣東歌的興起，主唱英文歌的他，頓時找不到方向，他說：「我份人好揀擇，唔想唱馬虎嘅歌，嗰陣好嘅廣東歌已經有許冠傑唱，所以我寧願翻唱外國口水歌。」為了餬口，Joe Junior到夜總會表演，因而邂逅妻子，兩人拍拖七年才有錢結婚，他形容太太是內外皆美的好女子：「其實我眼中個個女仔都靚，但佢係最靚，內外都靚，斯文又有愛心，我望住佢就好開心。」
胸襟要闊
Joe Junior坦言以前工作遇挫折，回家跟太太呻，但她未能即時理解，他就會竧𣉢鬧，令太太不開心：「娛樂圈好複雜，有時受咗氣，返到屋企真係想撼頭埋牆，好在我有信仰。你呢邊閂咗門，另一邊就會開度門畀你。」他是虔誠天主教徒，太太卻是佛教徒，信仰不同，但互相尊重：「我老婆信觀音，佢會跟我返教會，我都會去觀音廟，做人胸襟要闊，入廟拜神打招呼箒，最重要係心地善良，互助互愛，就天下太平。」
操勞入院
前半生為事業拼搏的Joe Junior，經常捱夜，直至前年入院，才驚覺健康響起警號，以後工作、運動也會小心，別讓自己操勞過度。經此一役，他更覺太太的重要，亦明白要有健康的身體，才可以與子偕老。喜歡小朋友的他直言︰「我好鍾意仔，如果有得揀就生仔，但我偏偏娶咗個絕代佳人。面對現實，順其自然，凡事努力，就乜都迎刃而解。」他說活到這個年頭，每年可以擁有個人演唱會已心滿意足，更何況下月舉行一場後，到11月再開兩場，屆時陳明恩及伍綺玲更會助陣。
撰文︰祖李
攝影︰陳俊強
場地提供︰金域假日酒店Osteria