為防內地人混入示威群眾製造事端，連登仔近日提出用港式廣東話拼音做測試，睇唔明就知唔係香港人，於是社交平台湧現「香港話」帖文，連8.18集會文宣都寫「Gwong fuk heung gong, si doi gak ming」。早喺50年代開始，港英警察就用過嚟宣示法令，好似二戰後港府發畀內部保安部隊官員嘅文件《暴動法宣告》，目的係方便唔識廣東話嘅督察喺群眾面前宣讀。八方唔係好肯定，如果喺條街大嗌「sho yau hai ni chu chui chap ke yan chik hak san hoi」有幾多人會明，不過唔明唔緊要，大館都有展出呢份法令，大家有心情就去欣賞下。