【本報訊】警察濫暴令全城震怒，少女被布袋彈射爆眼球更令人心碎，不少港人上街之餘亦毋忘爆眼少女，有人戴血眼罩出席集會、有人自製爆眼迷你兵公仔，希望還少女公道，形容不少人「用身體去阻擋政權做啲唔道德嘅事」，即使再累仍要共同進退；有父親亦買下多個眼球氣球參與集會，帶兒子一同聲討警方濫暴。
「佢哋用身體阻擋不道德」
集會人士以不同方式聲援爆眼少女，有長者帶上塞了紅色紗布的眼罩及高舉海報，寫上「警察先生，激光痛嗎？我唔知，因為我隻眼已經無咗」。多名年輕人在中央圖書館外手持迷你兵（Minion）被爆眼的公仔，舉起寫上「還少女公道」、「係布袋彈，阿Sir」紙牌，少年Blue指，「其實好多人係用緊佢哋嘅身體去阻擋政權做啲唔道德嘅事，香港人雖然好攰，就算今日落雨環境好差，都想話畀大家知我哋係共同進退、齊上齊落」。另一少年阿豆亦直言：「好憎阿Sir講大話，明明就係布袋彈，點解要咁強調係鋼珠？」
簡先生與10歲兒子和家人及朋友，帶了多個眼球圖案的氣球到維園集會，批評警方胡亂開槍射爆少女眼球，直斥警方使用過份暴力，「佢又唔係衝擊，點解要射佢哋？」他直言早前到深水埗逛街曾無辜「食催淚彈」，斥警方「見人就射，對住巴士同的士都舉旗射」。其10歲兒子俊民亦批評警察無能，攻擊無辜市民，「如果我哋唔幫佢哋，佢哋就會永遠坐監」。
■記者李雨夢、鍾雅宜彈