民陣發起今日下午2時在維園集會再次發聲，過去曾身體力行參與的藝人皆表示會再次支持。阮民安（Tommy）剛在日本完成工作昨日已經返港，他坦言今日亦會上街表態。
翻唱舊歌打氣
曾參與旺角示威及義載年輕人的Tommy昨日凌晨已在fb呼籲市民參加集會，他留言：「8.18可能係今次運動嘅其中一個關鍵點，8.18，香港人一定要再企出嚟，年輕人已經為香港做咗太多太多啦，係時候到我哋再為佢哋出一次力啦，呢場仗從來都唔易打，甚至乎勝算好低，但我哋一定唔可以放棄，一放棄，明天就沒有了！」此外，Tommy在留言中同時上載了一段翻唱《青春火花》的MV，MV以過去兩個月反送中運動中，巿民和平遊行、警察放催淚彈和示威者被濫暴的片段重新剪輯而成，為同路人打氣。
Tommy昨日回覆《蘋果》時表示：「聽日8.18維園集會，希望可以多啲和理非嘅手足出嚟，所以呢幾日大家都盡力做啲文宣工作，希望聽日可以多啲人出嚟合法集會，向政府表達訴求。」原來剛巧今日是Tommy太太Eva的生日，Tommy說：「今年可能冇乜特別慶祝，因為我都會去集會，不過相信佢會明白同體諒，目前梗係大事為重。」
搵人獻計捉鬼
另外，一直支持示威者的袁彌明，日前在fb留言呼籲：「8.18民意戰，唔可以冇你你你你你你你你參與。」她表示看到一班警察於8.11當晚，疑似假扮示威者在銅鑼灣混入人群中，趁機作出拘捕行動，而疑似警察更被拆穿用螢光棒打暗號，袁彌明昨日凌晨再次在社交網留言提醒示威者，她表示：「今次要盡快搵到班鬼用咩物件做記認，甚至簡單問『講兩句廣東話嚟聽吓』。確認了鬼之後應該點呢？全程拍住佢？（但平時現場叫人唔好影相拍片）孤立佢？定係點呢？有冇對策。」袁彌明希望大家一齊想出方法即場捉「鬼」。
採訪：陳杰