陳國邦夫婦和張紋嘉前晚在賽馬會綜藝館表演音樂劇，陳國邦與太太羅敏莊完騷接受訪問時，提到囡囡陳禛：「阿女已經開學，今日會喺場地陪我哋，唔擔心佢即興走上台。」
羅敏莊自爆在後台等出場時，見到老公在台上演出爆喊，以為對方搶戲，陳國邦解釋：「場戲講我攬住個女，個女問我係咪親生？演出時呢種愧疚之心真係想打自己兩巴，戲裏面所經歷嘅嘢我哋唔會發生，由細到大我哋同陳禛關係好好，會盡量聆聽佢心底說話，冇隔膜，即使我哋返工佢都知道乜嘢事，只會問我哋幾點返。劇中內容講父母冇時間陪啲仔女，好感觸，自己身為香港人好無奈，一下子情感控制唔到。」
採訪：卓寶花
攝影：林賓尼