【本報訊】五大訴求政府仍未答應，警方濫權濫暴更激起多區民憤，甚至牽動太古街坊同心於區內遊行，呼籲今日一同到維園集會發聲。逾百「太古人」昨日聚集，環繞太古屋苑、鰂魚涌南豐新邨等地，步行個半小時到警方開槍地點。有銀髮街坊沿途高呼「818，維園見！」希望港人一起參加集會，為下一代及年輕人發聲，「大家都應該企出嚟，呢個暴政要抗拒佢」。
銀髮街坊斥警粗暴打人
8月11日，警方在太古港鐵站近距離向示威者開槍，又在扶手電梯上把民眾推倒，令太古街坊憤怒。該區居民昨日舉行集會遊行，他們邊行邊派發「站出來8.18大遊行」傳單，高喊「五大訴求！缺一不可！」
駱伯伯大汗淋漓仍面無倦容，沿途中氣十足地帶領街坊高呼口號。他認為，年輕人已付出很多，政府所作所為令人憤怒，「警察咁粗暴打啲後生仔，呢個真係好氣憤！老人家都應該支持年輕人，我哋唔行得咁多，但聽日（今日）一定會去維園，為佢哋爭取未來係好值得支持」。
陳女士指，香港政府沒有履行一國兩制，在直播中看到警方做法令她非常震驚痛心，「個政府唔可以咁，唔需要用呢啲手段」，她希望港人可以一起繼續努力。
居民P先生認為，近來港人每一次活動都沒有大台，「我相信每一個香港人都係代表緊自己」。8.11警方於太古站外施放催淚彈，他指太古城是其中一個最大的藍籌屋苑，政府處理手法令居民非常困擾，附近長者小童也感不適，因此很多人當晚已向港鐵表達不滿，「作為太古人，最基本一個權利就係一個安全嘅交通、大眾運輸系統」，要求港鐵嚴正聲明澄清，警方站外施放催淚彈並不正確。
■記者黃翠儀