【本報訊】運動博覽由昨日（16日）起一連三日於九龍灣國際展貿中心舉行，早前右腳阿基里斯腱斷裂重傷的楊文蔚（Ceci），與陳家豪、葉姵延等運動員亮相開幕典禮，Ceci透露康復進展理想，期望九月尾能慢跑，11月重返運動場訓練。
Ceci五月訓練時觸傷阿基里斯腱，隨即施手術治理，術後數月她現可套上腳套慢慢行走，她笑說如重新學步。傷患突如其來，本來性急的她感言過去數月逼於無奈慢下來，「我本來好急，手術後頭一個月只可留喺屋企，咩都唔做得，就整吓陶瓷、睇吓書，我平時好冇耐性，尤其係整陶瓷要細心，教練都好支持。」
阿基里斯腱左右跑動和跳躍動作，Ceci樂觀指自己未有傷及起跳腳（左腳）屬不幸中大幸，但康復後表現難料，不會多想能否重回1米88的水平，「今次係我第一次做手術，好多人都驚我之後好難去跳，咁我惟有正面啲，未來更加勤力跳，雖然受傷一刻好驚，有喊同埋唔開心，但我當日下晝就已經打緊麻將。」她續指依原定計劃九月會開始慢跑，11月復操，最快明年初的亞洲室內場復出，但她強調絕不貿然心急出賽，「如果跳得好矮都唔想出嚟比賽，起碼要回復番受傷前嘅狀態先。」Ceci並道：「大家都係香港人，希望可以團結咁跨過呢個難關，好似我一樣，我哋都可以慢慢跨過。」
記者：洪量丰