【白色恐怖】
【本報訊】浸大學生會會長方仲賢月初因購買10支觀星筆，眾目睽睽下被警察叉頸、拘捕。自認身子弱的他被捕後發燒，獲無條件釋放後更一度高燒至40.4℃，冷汗緊貼病榻時做了兩晚類似的夢──在抗爭現場吃催淚彈。夢，早在2014年雨傘革命植根，眼見大學生代表向林鄭月娥「挑機」，方仲賢希望跟他們一樣獻身社運；佔領雖落幕，這位曾經無理想、無目標的「廢青」，由Band 2中學包尾留班生變成勤奮書生，考入浸大、勝選學生會，五年耕耘，投入今天的時代革命。
記者：周 婷
雨傘革命是方仲賢的政治啟蒙，「以前我唔讀書㗎，雨革之後先發奮，要裝備好自己，有一定知識程度」。對方仲賢來說，雨傘革命最大的教訓是「和平、理性、非暴力」失效，他引用另一個政治啟蒙、黃子華在棟篤笑所講，「絕食？得阿媽會care，罷課得學校會care」，指社會運動倘無法動搖政權，一切都不會改變。
「引起咁大關注，唔係因為我係會長，係因為普通市民買一個用具都會被捕，仲有法治咩？」
6月12日，方仲賢經歷過警方在金鐘龍匯道怒放催淚彈，險在中信大廈外釀成人踩人，「佢哋（抗爭者）個樣係絕望，好似俾喪屍追咁」，由連日運動中眼見群眾被警察濫暴，到8月6日他孤身在鴨寮街被捕，甚至推到牆上、出手叉頸，不忿的深水埗街坊一擁而上聲援，叉頸警員竟小聲在他耳邊威脅：「唔好搞大件事。」
方仲賢痛斥，警察已當市民是仇人，被捕時簡直自覺是打家劫舍的重犯，在他心目中警察已墮落至「唔係人」，「如果警察真係除暴安良，唔該總辭」。不過，方認為香港市民已醒覺，「呢件事引起咁大關注，唔係因為我係（浸大學生會）會長，係因為普通香港市民買一個用具都會被捕，仲有法治咩？」
談到警方大費周章「示範」觀星筆「殺傷力」，方嘲諷警方「完全靠嚇」，「我當時以為搞到咁大，一定會提堂，但最後又唔告喎，咁唔係散佈白色恐怖係咩呢？」他正諮詢法律意見，勢追究警方濫捕責任。
羈留期間，方仲賢知悉大批市民到深水埗警署外聲援，他既感激又擔心，形容聲援對被捕者而言是安慰，「可能係呢幾個月嚟都冇嘅一份（心靈）安穩」，但同時又擔心他們受傷或被濫捕。
面對政權瘋狂打壓，方仲賢對見證香港人團結感安慰；反送中運動尚未找到出口，他笑言病癒必須「復出」，全情投入抗爭。在單親家庭長大的他說，經歷濫捕事件後，媽媽確有擔憂，但仍全力支持他做對的事，「我想保護身邊嘅人，而我知道只有不斷抗爭，先可以保護他人」。