【名家足路】英超周六晚有兩支首輪聯賽失利的球隊作正面交鋒，由諾域治主場對紐卡素。
諾域治升上英超後，首輪聯賽即作客挑戰「前六」球隊利物浦，進攻方面尚算積極，如非把握力欠佳，應可在紅軍身上取得多過一個入球。不過球隊整體還未達英超級數，全場都未能好好應付這支應屆歐聯冠軍的攻勢，英超經驗不足的年輕後防更千瘡百孔，上半場已失四球，左右二閘及應付對方頭球都急需改善。另外，隊長格蘭漢尼雖是隊中經驗較為豐富的球員，但上場竟因緊張未能鎖好腳踝解圍，反而替利物浦射入一記烏龍球。
紐卡素領隊布魯士上輪聯賽首次帶領這支自己一直都十分喜愛的球隊，惜以0:1負予阿仙奴。不過布魯士知道紐卡素管理層及球迷絕不容許開季嚴重脫腳，其實上輪紐卡素未失球前一直表現不錯，可惜把握力一般，9次攻門只得2次中目標。不過以球會紀錄4,000萬鎊加盟的祖連頓（右）表現賣力，不斷在前線衝擊對手，頭球攻勢甚具威脅，今場面對諾域治的「豆腐後防」，他跟中堅拿修斯在角球攻勢時有機會取得入球。
今場紐卡素作客受讓平/半，但無論英超經驗及球隊整體實力都在主隊諾域治之上，今場可坐和望贏，個人推介受讓平/半的紐卡素下盤。
文：丘建威