前歐洲冠軍些路迪禮拜二喺歐聯外第三圈次回合，雖有占士科利斯、奧辛尼艾度亞迪同埋基士堤入波，但主場連失四粒，以3:4不敵克盧日，2回合計輸4:5出局，將會轉戰歐霸盃附加賽，對手會係摩爾多瓦嘅舒列夫或瑞典球隊AIK蘇納。至於另一支前歐洲冠軍波圖亦喺主場以2:3不敵卡斯洛達，兩回合計雖賽和3:3，惟卡斯洛達憑作客入球優惠晉級歐聯附加賽。