2014年傘運告終後，被控嘅佔中九子中，因為煽惑他人作出公眾妨擾，及一項煽惑他人煽惑公眾妨擾罪成嘅社福界立法會議員邵家臻，入獄八個月。佢噚日透過議員辦事處職員喺facebook透露，喺獄中都十分關注反送中運動嘅情況，將會喺10月3日出獄歸隊，佢特別對反送中運動中有八名社工被捕感驚訝，亦對年輕人和抗爭者被打被捕、甚至盲眼感到焦急，指議辦會繼續「不缺席」、「不鬆懈」，如常運作。
體驗牢獄之苦，邵家臻當然關注獄友生活情況，包括監獄內食物質素欠佳、囚倉好焗、通風不足等問題，而自己糖尿上眼嘅情況亦穩定。佢最後呼籲：「這真是一個不見天日的時代，生於亂世的我們別無選擇，只有互相守護，迎難而上，好壞一起過。」