陳家樂跟曹佑寧，一個來自香港、一個來自台灣，兩位男士早前在泰國合作拍驚慄電影一個月，擦出不少火花，鏡頭前製造恐怖，鏡頭後輕鬆搞笑。二人談到追女招數，家樂笑言講鬼古是他的追女仔必殺技，又大讚佑寧可愛，望可再度合作拍愛情片，製造更多驚喜。
撰文：羅慧敏
攝影：沈健程
陳家樂與台灣型男曹佑寧等合演的驚慄片《綁靈》下月上映，早前二人在佐敦接受訪問，《綁》片在泰國取景，有多次拍攝鬼戲經驗的家樂顯得冇有怕，他說：「以前我都好驚睇鬼片㗎，但拍得多，睇嘅時候係好恐怖，但拍嘅時候現場好多人睇住扮鬼嗰個人，喺現場反而會覺得好笑，你諗吓啲『鬼』成日喺身邊做人嘅嘢，一齊食飯、傾偈，係好好笑。」首次拍鬼片的佑寧則說：「因為我很喜歡看鬼片，一直想知道拍攝時的氛圍是恐怖還是怎樣的呢？其實拍攝現場真的蠻好笑，片場中見到很多『鬼』。」
爛口又反叛
家樂表示今次演一個爛口愛媾女的反叛大學生，更自爆角色設定是源自導演陳鵬振，家樂笑說：「呢個導演講嘢真係好鬼死衰格，我成日攞佢講嘢嘅語句、節奏嚟模仿佢，喺戲入面講嘢都粗粗地㗎。而戲入面最難忘嘅一幕，一個好細個嘅泰國女仔，要由我隻腳沿住我下身一路爬上嚟，仲要同我面貼面，我見到佢好驚、好尷尬。」
港、台兩地男演員合作，拍攝時擦出了不少火花，家樂說：「我哋做戲，冇鬥戲㗎，因為佢唔識廣東話，所以溝通上有少少困難，因為有好多群戲，所以一定要有默契。其實我哋幾個演員完全唔識，但一齊喺泰國差不多有成個月，拍完戲一齊約食飯行街都幾開心，真係好似中學去camp咁。」佑寧則指跟惠英紅合作令他很緊張，他說：「紅姐的氣場很大，對戲的過程中蠻害怕和緊張，紅姐人非常好，不會跟你有距離感，她有空便會過來聊兩句。」
純粹整蠱人
家樂與佑寧大談遇過的恐怖經歷，問到他們會否講鬼古來追女仔？家樂說：「𠵱家都會㗎！純粹鍾意玩吓，整蠱吓人，不過𠵱家一般女仔會主動講鬼古，邊有用㗎！」而佑寧則笑言會帶女生看這部電影，二人更揚言希望可以再次合作，佑寧提議跟家樂拍打鬥片，家樂說：「可以拍愛情片。」佑寧笑指兩男拍愛情片是不錯的提議，又大讚家樂和藹可親，家樂笑說：「你不要誤會呀！哈哈……不過都可以㗎，佢好可愛，平時唔係好講嘢，但一講嘢就好得意。」