警隊形象一落千丈，連警察公共關係科屬下組織少年警訊嘅年度盛事「少年警訊滅罪夏令營」都無人問津。八方聽聞過往每年都有過千人參與嘅宿營和日營，今年報名期結束後只有約百人報名，全港21個警區中更有18區錄得零報名，最後連已報名者都決定唔入營，只能取消活動。
夏令營由警察公共關係科少年警訊及青少年聯絡組主辦，原定本周二至五（13至16日）喺馬鞍山烏溪沙青年新村舉行。夏令營係少年警訊一年一度盛事，每年吸引逾千會員參加。
少年警訊深資領袖周駿逸同八方講，今年由各警區少年警訊深資領袖會員組成嘅「深資領袖委員會」，曾經喺早前建議警察公共關係科取消夏令營，但意見未獲接納，至入營前一日由於各區報名者表明唔入營，冇參加者下警方惟有取消。