「陪個friend去，跟住我入到，佢入唔到。」老套的劇情，發生在黃梓豪身上。球迷應該早已認識這位年輕門將，未來他應該會還會登上娛樂版，因為他入選了《全民造星II》99強。
19歲的梓豪2年前在全港學界精英足球比賽一鳴驚人，代表仁濟醫院董之英紀念中學在4強互射12碼階段救出對方4球，助球隊殺入決賽。兩年後的今天，梓豪中學畢業，新一季亦決定離開傑志，轉投「家鄉球隊」元朗，他說：「我住元朗，青訓都踢過，有歸屬感，想喺元朗個球場踢。」轉投元朗，梓豪料仍然是在陳嘉豪及葉嘉宇之後的球隊第三選擇，他說：「如果有機會出場，希望表現好啲啦，所有細節都要做好啲囉。雖然仲係年輕球員，但都大喇，後浪推前浪，要減少犯錯。」
梓豪本來就是一個風頭人物，常語出驚人，面對鏡頭毫不害羞，最近更參與了《全民造星II》，晉身最後99強。問到他為何會參加，竟然是一個相當老套的原因：「我個friend自己一個報，所以叫埋我陪佢，咁我咪攞住支吉他去面試囉，最後我入選咗，佢入唔到。都幾正嘅，趁後生咪試吓囉。」到底是踢足球還是《造星》比較正？「咁踢波正啲！做節目有啲嘢會唔係幾想做，但踢波就乜都肯做。」
照片被放上《造星》網頁後，已有不少網民讚梓豪「幾好樣喎」，梓豪笑言：「都有睇啲留言嘅，開心囉，多謝阿爸阿媽生到我咁得人鍾意。」球季即將展開，梓豪要應付足球及拍攝外，亦將會繼續升學。三線發展，問到他目前那件事最重要時，他還是說：「足球都仲係第一。」
新一季開始，黃梓豪除了是元朗的13號，同時亦是《全民造星II》的11號。
記者：禤家民
