只許狗官放槍，不准市民喊驚。811警暴終於露底，臥底個底，扮成抗爭者混入前線，被粗暴按在地上滿嘴鮮血等住被拘捕的抗爭者連問一聲：有冇搞歪？都無機會。四點鐘那個狗吠簡報會，必然猛說「手邊冇資料」狗口答不出人話。我們唯有以夢遊者角度，自設提問，在人聲頂肺中找答案：
問：三萬狗警中，有幾多臥底？「我係警鴨，唔知。只要識講廣東話嘅都有份。」
問：扮抗爭者插贓嫁禍？有冇擲汽油彈擲磚？「只要唔俾記者影到就唔蝕章，鄧二哥教嘅。」
問：除低件黑衫，着返件元朗721的白衫，又係臥底？「拍膊頭心領那些係，通波仔那些唔係。」
問：銅鑼灣拉人任tvb影全相的臥底點解咁高調？「政府家陣靠晒我哋治港，係咁意騷吓食力，收少少震懾功效，等成都人民讚我哋靚仔！」
問：警民關係點收科？唔驚鬧鬼？「關係冇差，江湖兄弟冇分人鬼，齊上齊落。六七暴動鬧差佬黃皮狗的北角暴徒都歸隊俾like！No stake那些曱甴，大學生飛機師社工大L晒咩，就算燒街衣見到耶穌落嚟都照打！」