【本報訊】8.11有示威者包圍青山警署，警方拘捕10人，各人在新屋嶺扣留中心羈押近48小時後，昨陸續保釋，有人離開時否認參與示威，強調是街坊。一名女事主稱被捕後兩度向警員稱「唔係去示威」，但警員態度是「我唔信囉」。
被捕10人年齡介乎19至60歲，六男三女涉非法集結，其中一男涉未能出示身份證；另一28歲男子，警方在其車上搜出木盾、玻璃樽、頭盔、手套、防毒面罩、口罩、行山杖、對講機及背囊，以涉嫌藏有工具可作非法用途將他拘捕。各人獲准保釋，9月上旬返署報到。
稱警員介意被叫「黑警」
獲准保釋的少女阿麥家住警署附近，她指沒被不友善對待，但觀察到警員很在意被叫「黑警」，經常問者：「黑警會畀嘢你食咩？」但阿麥明言：「你（警察）對我點都好，呢48個鐘係唔應該坐。」阿麥指當晚「落街買嘢食」，見警民衝突才「八卦吓」，突然大批防暴警衝過來，她站着不動，但「班防暴警好似啪咗丸咁，一班叫我走，一班叫我唔好走」，最後將她拘捕。她向警員表明路經，但警員一口咬定她與身旁一人是同黨。到新屋嶺後她要求看醫生，最後等十多個小時才獲送院，見律師亦要第二日才獲安排。
另兩獲釋青年亦謂當晚街坊裝落街，憶述被防暴警拘捕，「第一下指住我話我襲警，當時落雨擔遮，攞水樽，佢哋一叫我已經舉高雙手，畀警察壓咗落地，上埋孖葉（手銬）」。
■記者劉柏麟、梁瑞帆