資深演員夏萍本月5日病逝，人緣極好的夏萍獲不少藝人及好友致哀。
秋生忘年之交
影帝黃秋生先後跟夏萍在電視和電影合作過，成為忘年之交：「我今朝先諗起佢，好鍾意同佢開工，佢當我子姪咁，大家一齊講粗口，佢好好人好可愛，人好直，好有正義感，呢個世界正義感嘅人走晒！」
胡楓心裏有數
在粵語片年代跟夏萍合作過《神偷姊妹花》、《艷鬼緣》的胡楓：「我哋以前合作愉快，佢為人好豪朗、好豪爽，好男人咁，仲有講吓粗口，講說話夾一兩句。其實佢病咗咁耐，我哋都有心理準備。」
邵音音指有福氣
邵音音：「佢病咗咁多年，一直有人照顧，算係咁啦！好走！已經拖咗好多年。福氣！」
梁健平未平復
梁健平和夏萍姐份屬好友，日前已接到對方死訊：「係呀。你搵家棟啦，佢負責喪禮，我都係嗰兩日收到，佢女婿同我講嘅，對唔住，你問番家棟，我未平復呀！」
