警方於前日濫暴濫射濫打，包括一米內行刑式開槍掃射示威者、布袋彈直射女示威者面部至眼部嚴重受傷、假扮示威者再進行拘捕行動、於港鐵站內發射催淚彈、將大批示威者推落扶手電梯險致人踩人等，種種暴行全民震怒。藝人何韻詩、徐天佑、杜汶澤、王喜及袁彌明紛紛鬧爆警方暴力行為，商台昨日更在社交網貼文，題為：「還我們公義 903個為甚麼？」，並將節目更改︰「主持人會配合歌曲不停向警方與政府作出提問，歡迎聽眾一同參與一同發問，主持人會代大家發聲。」
何韻詩機場直播
杜汶澤昨日表示︰「成晚咁多件事加埋，最印象深刻係TVB記者，問嗰位疑似假扮示威者定唔知係警員，對方態度極度惡劣。而TVB記者（張家灝）堅守採訪原則，當我係TVB網站見到呢條片都打個突，可能啲高層早瞓啦，睇吓今晚晚間新聞仲有得睇，定係剪走咗。以我所知嗰位記者已經辭咗職，真係做到『無綫新聞事事關心』啦。TVB新聞報道偏頗，係香港社會撕裂好重要元素，好多老人家睇完，同屋企後生仔唔啱，因為佢哋吸收到嘅資訊同後生仔唔同。」歐錦棠回應警方施暴時亦很嬲︰「從此誓不兩立！」
阿詩昨日到機場做fb直播時說：「一個地勤都冇，我簡直噢嘴，啲旅客好迷惘。」在她的直播中，仍然見到有非常多旅客，而所有航班已取消，阿詩說：「一、就係唔可以喺度發催淚彈；二、就係用橡膠好難，但我哋唔會知道警隊黐線到乜嘢程度。如果真係發生，就係國際醜聞，仲唔夠醜咩！」她又講到逗留原因：「今日民意清晰，表達到民意憤怒。」她在前晚11時亦有到葵涌進行fb直播。
徐天佑大罵黐線
歌手徐天佑前晚亦在Ig寫道：「地鐵站！放催淚彈！黐咗線呀？！」他怒斥紅衣福建人在北角打記者，形容紅衣人可恥，又問「點解唔拉人？」前警員王喜前晚看到葵芳站情況，也在fb留言：「地鐵站內打催淚彈？！同志，你已親手了結香港。」又勸警方︰「警匪警匪，唔係警就匪，二揀一回頭是岸，伙記！」
而鄭敬基及節目《美女廚房》學徒洛兒亦在Ig轉貼少女眼球受傷的相關文宣。至於早前全線10間分店參與罷工的袁彌明，前晚亦怒指：「仲話兩邊都有錯的中立仆街，你哋含x啦。」
採訪：李全、李森