何韻詩自逆權運動爆發以來一直站在前線，她前晚現身尖沙嘴遊行行列，並在facebook進行直播，其間被警方指罵。阿詩隨後貼文說：「頭先尖沙嘴清場，一輪防暴包抄呼呼喝喝推前推後，小學雞差佬臨走上咗車都要攞個尾彩：『何韻詩大晒啊！？』Hey，儍豬嚟嘅，點會係我大晒呢，𠵱家香港地係人都知，警察係大x晒㗎啦！」網友紛紛留言鬧「黑警」並大讚阿詩。
另外，王宗堯得知有傳「福建幫」昨日會在北角襲擊黑衣示威者後，昨日下午5時許，親自駕車到北角視察情況，他表示：「喺各自崗位可以做幾多就幾多，其實機場第一日我都有去，到噚日大埔本來都入，但知道會快閃就留力今日出嚟。」
採訪︰馬建華
攝影：仇志德
