【本報訊】「黑社會」叫聲在全港各區環迴響起，原來呼喊這三個字的各區街坊，針對的是受中央及特首林鄭月娥高度讚揚的香港警察。昨日深水埗，警方在長沙灣道及欽州街交界設下防線，一群街坊向警方申冤，不滿警方近日多次在區內放催淚彈。90年代從大陸移民來港的女街坊大罵「黑警」、「土匪」經常放催淚彈，「黑社會嚟㗎！咳咗我幾日，皮膚又痕」。
另一女街坊質問在場警察：「點解要我哋食催淚彈呀？我哋好無辜㗎喎，有冇理吓我哋感受？」她說昨日在行人天橋路過時兩次被催淚彈襲擊。其他街坊加入質疑：「係咪窮人就要食催淚彈？我哋好辛苦㗎。」
「你哋嚇市民最叻」
一名女警員反駁說：「咁你返屋企喇！我唔辛苦？」街坊反擊：「你有出糧㗎！」女警又要求本報記者出示證件，記者展示後又說：「你知𠵱家好多人扮記者！」街坊反指：「好多人都扮警察！」
女警及身旁多名男警發惡，以警棍指嚇：「你行過嚟！你係咪有嘢想講？」街坊不值他們所為，斥責警員「黑社會又唔捉，捉啲市民，你哋嚇市民最叻」，該批警員不久收隊離開，被街坊喝倒采，亦有人向警車掟膠樽洩憤。
本報接獲一名深水埗街坊黃小姐投訴，表示昨下午5時許，警方與示威者在長沙灣道對峙期間，她在鴨寮街看到突有速龍小隊下車，隨即壓低數名示威者，其中雙手已被索上索帶的男生被四名速龍制服，遭警棍毆打。黃喝止，豈料有速龍成員上前恫嚇她，「我出聲叫唔好再打，跟住個速龍上前用警棍勒住我（架在頸上）話『警察做緊嘢你做咩要行落嚟』我住呢度，點解唔落得街？」黃稱會保留追究權利。
■記者羅智堅、王春怡