由ViuTV打造的騎呢組合ERROR出道不足一年，大膽於10月開talk show，以「人到中年」為主題，道出上車難無樓住的港青心聲、遇上中年危機等貼地問題，更會爆娛樂圈潛規則。四子全部未夠30歲，但已自稱中佬兼「窮X」。對於公司冒險，隊長梁業（肥仔）形容是「天跌落嚟餡餅」，是組合殺出重圍的好機會。
肥仔、保錡、何啟華（阿Dee）和郭嘉駿（193）收到公司通知開talk show，第一個反應都是嚇了一跳，肥仔有種迫在眉睫的感覺，但最終仍勇敢接受挑戰，覺得是「天跌落嚟餡餅」。Talk show主題是「人到中年，口不擇言」，阿Dee說：「娛樂圈潛規則30歲藝人已經算老啦！」193補充解釋：「我哋只係啱啱出道，加上我哋有呢個意念真係感受到中年危機，擔心自己會唔會脫髮。」似在暗嘲29歲阿Dee髮線上移。
諷刺時弊
阿Dee自認是隊中最有中佬味：「由細到大都俾人話我樣老，入咗娛樂圈係我人生最忙嘅日子，係新挑戰，努力適應緊，嗰種疲倦係前輩話齋『上世做錯事，今世做電視』。」又指全世界開talk show也會諷刺時弊，要緊貼時事，當然是近日遍地開花：「大家唔會失望，入場會睇到想睇嘅嘢。」
ERROR早前在一條宣傳片中，在車廂內發表言論，被車cam偷拍，之後引伸到開記者會向公眾道歉、鬧解約，令人聯想到「安心事件」，但他們否認以此借鏡作賣點，純屬巧合。至於甚麼是娛樂圈潛規則？一向敢言的193說：「會講生存方法，例如識討好人先會多啲工作，我哋加入娛樂圈未夠一年，都知道好多你要點做、先令你得到利益同更出名。」保錡在隊中是名副其實的「ERROR」，隨時爆肚兼難以自控，隊友都希望他令觀眾發笑。而193被肥仔譽為「講嘢最癲，亂入神化境界」，193無奈地表示：「講乜啲人都覺我唔係認真，分析唔到我嘅真假，有時好認真，啲人又以為我講笑。」
自稱窮X
四子現時身兼多職，做綜藝及體育節目主持、拍劇集，以新人計算，工作量尚可，但論收入卻異口同聲稱「窮X」，保錡說：「有分唔同窮法，有超級地底泥窮、勒住褲頭袋窮、開始搵食窮，我係超級地底泥負資產窮，有日差啲想問舊老闆請唔請人，要打兩份工。」肥仔自嘲食到窮，平日跟電影《喜劇之王》一樣要頴飯盒。捱窮日子，他們找到折衷方法，193慨嘆：「我哋只要拍劇開工全日就掂，唔使用錢，有飯盒食，仲可以有的士錢。」
撰文：卓寶花
攝影：陳慧安