真正愛香港嘅香港人，相信最近唔會有人有好心情。常說戲子無情，但今次係港人港事，唔少藝人都開口撐市民，希望政府盡快回應社會訴求。當然，仍有唔少主力搵人仔嘅藝人，擔心因為香港人身份受牽連，即使香港近日處於水深火熱，仍然繼續努力討好阿爺。
有經常返內地做嘢嘅工作人員爆料，同呢啲藝人返內地開工，成日都會聽到同睇到啲令人嘔心嘅畫面，好似「精叻」出道都一段時間，雖然唔係乜嘢一線藝人，但近年都叫喺內地搵到啲錢，早排佢返去做嘢，聽到記者問點睇近排香港嘅抗爭活動，精叻竟然咁樣同記者講，話覺得呢啲人阻住大家搵食，真係聽到都想走埋去打佢。工作人員仲話，雖然嗰個唔係訪問，只係精叻同記者閒談，但聽到佢咁講真係好嬲，完全忘記咗自己係香港人嘅身份，忘記咗當日自己第一桶金喺邊度賺番嚟。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。