香港近排多咗好多勤奮休班警員，收工後既不返家慰勞阿嫂或手執藤條教仔，也不光顧賭檔鳳樓促長經濟，而選擇留連青少年基地發掘收購另類軍火的疑似暴徒，脫下制服仍然不忘服務社會，充份運用科幻電影想像力，義不容辭將鐳射筆當激光槍，大街小巷屢立奇功，令市民嘖嘖稱奇。從戲劇角度分析，他們犯了入戲太深的職業病，台上飾演助紂為虐的衙門爪牙，得到關二哥無差別庇護，自視為威風四面的英雄，落妝後無法脫離角色，發夢都夢到打打殺殺，《水滸傳》交叉感染《發條橙》，漸漸成為《閃靈》那個瘋癲的積尼高遜。幸好大陸現正舉行國際警運會，甄選出賽者門檻遠不如奧運高，部隊成員身手毋庸一支棒都有資格入圍，觀光之餘可以一面發洩剩餘精力一面為港爭光，好過周街亂咁叉人條頸。不過千萬勿與大陸隊硬碰，他們有輸了動武的光榮紀錄，畀行家打到口腫面腫就唔係幾好啦，遲下劉公子東山再起，做唔成裸照模特兒你話幾唔抵。
鹹開有條路，自從口不擇言的連登仔極力推薦「大大力錫佢春袋」，以此為題的創意工業應逆權運動而生，其中最教人絕倒的是流出一名自稱休班警員的音頻，介紹慘痛的被錫經驗：「畀啲義士發現咗我係警察，跟住之後捉咗我入後巷，黐×咗線咁樣，除咗我條褲，咁真係喎，幾個走嚟係咁啜係咁啜，錫×我個春袋」，強烈呼籲「大家同事收工着多條底褲」。哇咔咔咔，暗角圍剿手無寸鐵市民就容易啫，你估親吻陰囊咁手到擒來咩，假如受害人棟篤企，又要他合作張開雙腿，又要跪低打側個頭伸過去，好考功夫㗎！