陳爽、蕭正楠及陳嘉桓等前晚在灣仔出席海外學生仁濟夜2019慈善舞會。育有一對子女的靚媽陳爽打算封肚：「一個『好』字就夠，生第三個可能性別唔平均，又想追第四個，𠵱家可以畀返啲自由自己。」陳爽又呼籲家長要注意家居安全：「之前囡囡被門夾親手指流血，即刻去醫院照X光包紮，骨碎咗一毫米，醫生話需要兩至三個月時間復原。」
蕭正楠表示老婆黃翠如與洪永城正在澳洲拍攝旅遊節目：「我要開工跟唔到過去，啲人仲認錯洪永城係佢老公，嬲到我呢。」阿蕭計劃年底休假叉電，問到是否順便造人，他說：「啲老友畀咗好多資料我，但人都唔喺度。」
採訪：卓寶花
攝影：陳慧安