【本報訊】20歲的Joseph一直不在前線，有時會幫忙處理物資，被捕時身上任何防具都沒有，問他有否覺得不值，他卻說沒想過埋怨誰，既然發生了就要面對；但談到家人，Joseph低下頭來，說最擔心的還是影響家人，「父母好擔心，佢哋一直都支持我出去，但被捕後就更擔心我前途」。
Joseph已有心理準備要入獄，提起被捕經歷，他臉上沒有太多情緒，但談到特首林鄭月娥的態度時，他的聲音突然高昂起來：「由始至終我哋都係控訴政府不公，警方濫用暴力鎮壓市民，但我哋唔會怕白色恐怖，佢哋想我哋驚，實情係唔會，拉咗咁多人，只會引來更多人聲援，反彈更大！」
「唔好放棄運動 代我哋出去」
被控重罪，Joseph沒因此躲起來，他選擇到街站派傳單，跟不同人對話，認為儘管意見不同也應互相接納，「起碼同佢哋講我嘅睇法，或者佢哋會有唔同體會呢，其實同相反意見嘅人傾先係重點，例如佢哋睇大台新聞，以為示威者先打警察，我哋就播片畀佢哋知道真相」，有老人家甚至因為看完片段、跟他談完後，由反對變成支持。
問他是否認為五大訴求中的「撤回暴動定性」最重要，以及可如何支援他們，他抿嘴苦笑：「最可以支援到我哋嘅，就係市民嘅支持，唔好放棄呢場運動，代我哋出去，繼續向政府控訴。」還有半個月開學，他會回校上課，但即使回到熟悉的校園，大概亦享受不了無憂無慮的大學生活了。
■記者梁嘉麗