「好似坐緊屍殺列車咁！」在元朗住了9年的小芳，7.21當晚亦在西鐵車廂內親眼目擊白衣人惡行，「我好憤怒，點解嗰啲白衣人可以唔戴口罩，光明正大喺度打人，完全唔驚有警察拉，好似無法無天咁！」
感染身邊人藍變黃
只有5呎2吋的小芳，身形嬌小，她憶述當晚車廂內有老有嫩，手持木棍鐵通的白衣人從車尾位置走來，乘客急急向車頭方向逃生，她卻停了下來，「因為好想幫手，好想同大家一齊對抗黑社會。」於是隨即拿起雨傘，想要扔出去時，「被後面個後生仔拉住咗我，話女仔入返去」。眼巴巴望到同車乘客被打至流血，她起初呆立當場，哭不出來，直至列車開走後，「鎮定咗啲，啲人先開始喊。」當晚，她跟其他香港人一樣，度過無眠一夜，哭至天亮。
沙士那年來香港，由起初不知道有六四，只知長毛是搞事的人，直至佔中，令她開始接觸政治。兩個多月以來，小芳幾乎每個星期都去遊行，更感染到身邊人由藍變黃。記者問她為甚麼這麼想守護香港，她說，從內地來港，一直認為香港是個自由公義的地方，亦珍惜其可貴之處。無奈地，小芳最近感受到香港的自由慢慢收緊，「同大陸越嚟越接近」。
「平時我都覺得元朗幾好，啲市民好守望相助，同埋好多小店老字號，又唔覺有乜黑社會。」恐襲後，她不敢穿黑衣，外出亦會帶備長傘，以防有事時用作自保。小芳坦言，一切源於對警察的不信任，「起初嚟香港時，覺得香港所有公務員都係為人民服務，見到警察都會好敬仰。」今非昔比，如今對警察的信任已瓦解，剩下的只有鄙視。