坐上恐怖列車的市民被嚇壞，看直播的元朗人「地膽」同樣咬牙切齒。自出生起已是元朗人的阿德，正正住在恐襲後「聲名大噪」的南邊圍村附近。對於不時有黑幫仇殺新聞在元朗上映，「但係同普通老百姓有冇關係呢？好似冇，大家好似喺個平行時空，我有我生活，黑幫有黑幫佢哋嘅活動……」
指港變《蝙蝠俠》罪惡之城
7.21晚，他碰巧不在元朗，後來想跟朋友組隊到元朗西鐵站疏散市民，惟組隊後警方已到場。從新聞中見到來者不善的白衣人獲「特別照顧」，未有被捕，「今次有種connect（連接）咗嘅感覺，未試過好似今次咁恐怖。」在元朗生活了35年，他慨嘆元朗平日絕非罪惡溫床，「元朗好多嘢食，所以好多人都入嚟，但如果今次咁，大家對元朗有偏見，我覺得真係錯晒。」
《蝙蝠俠》中的葛咸城，政府、黑社會、商人共冶一爐，互為勾結，處處罪惡。阿德將香港比喻成葛咸城，「好似香港𠵱家都慢慢步向一個需要英雄式拯救嘅方向，當然梗係唔想咁樣。」也許蝙蝠俠不會在現實出現，也許沒有多少個正義的Jim Gordon（《蝙蝠俠》中的警員），正如《蝙蝠俠》所言：「黎明之前的黑暗，是最黑暗的，但黎明即將會來臨。」阿德跟港人共勉之。