趣趣地:韋大帝唔急復出

趣趣地:韋大帝唔急復出

上季約滿阿仙奴之後成為自由身球員嘅「韋大帝」韋碧克,今個夏天就成功搵到新工,同屈福特簽約。不過大家想再睇到韋大帝嘅英姿就要等等,領隊查維加西亞就指韋碧克第一場對白禮頓嘅比賽仲未踢到。上年11月,韋碧克喺對士砵亭嘅歐霸比賽扭傷右腳足踝,結果全季報銷,加西亞話韋碧克喺復出之前將會接受一系列嘅測試,仲話大家都好清楚韋碧克嘅能力,所以唔急於咁快要佢踢。如果順利嘅話,韋大帝有望喺月尾滿血回歸。