【本報訊】反送中浪潮由6月9日至今，警方拘捕逾420人，IT人Colin涉及最重罪的串謀或教唆謀殺，最高刑罰可囚終身，他的故事登上《紐約時報》。Colin接受《蘋果》訪問稱，自己只是研發一個人工智能辨認警察程式，希望反制警員拒絕出示委任證，程式在內部測試階段時他已被捕。他澄清沒教唆殺警意圖，批評警方控以重罪是白色恐怖。
稱被撐開眼瞼解鎖手機
Colin憶述7月18日中午外出買飯，在商場被警員拘捕並按在地下，其後被帶到停車場一架七人私家車，警員拉上窗簾後摑打其臉部，喝罵「清醒呀！清醒呀！清唔清醒呀！」更有警員用拳頭毆打其肋骨位置。
Colin指警員強行撐開其眼瞼，嘗試以面容辨識解鎖手機，但他在被捕一刻已連按五次手機開關掣，轉為密碼解鎖模式。警方其後帶他到警署繼續調查，一度壓住他的上半身摺向大腿，又強行撐開其眼瞼再嘗試解鎖手機，「我左眼俾佢哋插到，痛到擘唔開，然後佢哋就話係咪玩嘢呀、唔好扮嘢、你擘得開眼喎」。
同日警員申請法庭搜查令上門搜查，Colin要求影印搜查令和等律師到場才開始蒐證，但警員以粗言穢語回應。警員打開其桌上電腦並插入USB，繞過輸入密碼程序登入，「佢哋一路開我facebook睇，一路碌，一路就用手機影低我嘅私隱、私人訊息，用部手機影低晒」。
警員質問Colin是否Telegram「老豆搵仔」群組的管理員，「佢哋拎咗啲截圖出嚟，係Telegram老豆搵仔群組入面cap出嚟，嗰張cap圖所講內容係點樣暗殺休班警員之類，點樣用刀」。他否認是管理員，強調沒殺警意圖，「我曾經join咗落去睇，係為咗睇一啲警察私隱啦，但冇諗過個群組講私隱以外嘅嘢」。
Colin分析，警方懷疑他與「老豆搵仔」群組有關，因自己早前研發人工智能辨認警察程式。他解釋，程式並非教唆殺警，而是想反制警員拒出示委任證，「我覺得佢哋唔出示委任證呢件事係好有問題，所以我就用另一個方法迫使佢哋露出真正身份」。他補充，程式是內部測試，無推出市面。
多處骨裂 吃止痛藥睡覺
Colin向612基金求助，醫生診斷後稱其肋骨和手部有骨裂，要吃止痛藥睡覺；他亦接受《紐約時報》訪問，講述被捕經歷。他慨嘆，警方控以重罪是營造白色恐怖，「被捕之後釋放以來其實keep住失眠，但你話恐懼我又冇恐懼，因為我知自己冇做錯，我俾佢哋濫權拘捕，呢樣嘢我對得住自己」。
律師黃國桐指，若事主只是開發辨認警員樣貌程式，或與《私隱條例》有關，但與謀殺罪名距離頗遠，「都未有（謀殺）着手點，點樣謀殺箒？真係一個謀殺罪名，我唔相信有保釋囉，上到法庭都唔會畀擔保嘅，更遑論喺警局度畀你擔保呢？」
警察公共關係科回覆指，網絡安全及科技罪案調查科7月18日在屯門區拘捕一名29歲男子，涉嫌串謀或教唆謀殺，被捕男子獲准保釋候查，須於8月下旬向警方報到。
■記者潘柏林