【地產專題】中大畢業生李生（化名）三年前以680萬元買入恒地（012）鰂魚涌君豪峰一房單位，以為走過中美貿易戰，卻又死灰復燃，在收樓24小時前，大廈對出街頭更爆發警民衝突、黑白對峙。身為金融人，他相信今次樓價保守估計跌一成，出動解放軍跌三至四成也說不定，但樓價跌又如何，「香港人係賺得返錢，但傷害大家嘅心，影響大家嘅情緒，呢一樣嘢唔係用錢可以衡量，而係令香港蒙羞，係因為管治嘅問題令香港蒙羞！」
記者：陳家雄、張嘉鎣
李生2009年中大畢業，在金融界打滾十年，三年前以680萬元買入鰂魚涌君豪峰一個一房單位，「當時覺得樓價應該唔會升得好高，但買樓最主要睇失業率和利息，呢兩方面都持續低企，都是有利樓市，入市係合理。」三年來，樓市好淡消息不絕於耳，「當聽到消息話樓價波動，當然有少少擔心，但自住唔係炒，自己應付到，都唔係好驚。香港樓價係高於地球每一個地方，你話值唔值，我話生於呢個時代，要畀呢個價錢。但我會話，樓價係香港人可以應付，咁先係大家安居樂業嘅地方。」
倘出解放軍 隨時跌四成
中美貿易戰沒完沒了，近期逆權運動更令他痛心疾首，聽到身邊人說移民，尤感失落，「好心痛！引用返曾俊華當年參選特首一句話，話參選係因為聽到好多人話要移民，呢個就係當時我支持佢嘅原因。現時政府扮睇唔到呢個情況，我覺得香港係一個好好嘅地方，其實係應該要所有香港人住得好開心，安居樂業，繼續成為金融中心，如果唔係，香港嘅地位將會被取替。所以我希望政府盡快解決問題，令香港成為一個更好嘅地方，而唔係唔去解決呢個爭拗。」
他相信逆權運動可能拖累樓價，並曾聽過坊間有一種說法：「有啲人話為咗搞冧樓價而去參加呢個運動，呢句我係極度反對。年輕人唔係因為想整冧樓價而參與運動。」他估計，如果政府仍然用現在的模式來處理問題，樓價波動維持最少一年，「因為政府係冇解決問題，而係增加警民衝突，以致好多人去擔心解放軍可能會出現，咁會令市場信心減低。基於目前利息和失業率，保守估計樓價跌10%至20%。如果出動解放軍，可能導致樓價跌30%至40%都唔定。」他沒有後悔入市，「我唔覺入錯市，反而係信錯咗當屆政府處理問題嘅能力，因為政府真係冇諗清楚問題嘅原因，對政府相當失望」。
驗樓獲80分 鋪磚有瑕疵
就算樓價跌，他認為單位買來只是自住，當時拍板簽約已作最壞打算，如果樓價跌一成，也不會為自己造成太大壓力。他並寄語香港人：「可以失望但千祈唔可以絕望！」
日前收樓，資深驗樓師賴達明一邊驗樓，亦不禁說：「佢講咗好多人嘅心聲。」至於其290方呎的單位，主要瑕疵來自鋪磚。浴室牆磚及房間近平台地磚各有一塊空心磚，前者更換時需要提防影響防水層。全屋多處掃口位，即是磚縫、板罅之間的接駁位，出現窿仔，有需要執修。客廳油漆不平滑，可見凸起如「眼淚」，幸好批盪佳，沒有空鼓，只需簡單執油。客廳和睡房的玻璃窗有不少花痕，但純外觀問題，可一般打磨處理。單位整體獲80分，主要是鋪磚、地板、油漆及圍欄玻璃扣分最多。恒地發言人回應，上述單位所有項目預計可於下周內完成修繕，將與業主保持溝通，盡快安排驗收。
君豪峰尚有貨尾銷售，根據一手成交冊，最近3宗一手成交呎價由2.7萬至2.8萬元，比較李生三年前買入呎價2.3萬元計，升逾17%。代理表示，君豪峰現時約有110個租盤，平均實用呎租約65元，開放式呎租達70元，其中高層H室，實用290方呎，一房望山景，以1.8萬元租出，呎租62.1元。原業主去年5月以747萬元買入，租金回報率2.9厘。
