林二汶昨日在商台宣傳新歌《最後的信仰》，原來這首歌是藍奕邦10年前的作品，不過她直到去年才交由林夕填詞及灌錄。林二汶說：「呢首歌原本係紀錄我之前玩跳傘嘅過程，去到萬五呎高空企出門準備跳嘅時候，覺得今次死喇，點知跳出之後就好似俾啲雲層包圍一樣，畫面好靚。」她又說：「雖然生活好多痛苦，但我哋依然有得揀，有啲嘢唔可以輸，就係快樂！」