浸大學生會會長方仲賢周二在深水埗購買觀星筆，被警方以「涉嫌藏有攻擊性武器」拘捕，市民狂轟警方濫捕。黎瑞恩日前在私人fb發文：「試吓射完佢雙眼，通過安全標準嘅話，要求警方要立即放人兼道歉！」網民即怒斥她盲撐警方。
昨日有黎瑞恩歌迷貼出有黎瑞恩親筆簽名CD被扑爛的相片，再留言：「唯一餘下嘅香港CD其實想處置好耐，終於可以的起心肝處置咗佢，簽名碟又如何，已全部粉碎晒，爽！黎小姐，為確證你嘅雷射碟安全可靠，試吓插吓你雙眼，通過安全標準嘅話，我會立即道歉！」網民同時再表示：「我仲要刪除同佢嘅合照，見到佢就想嘔！」早前譚詠麟已因出席撐警活動，忠實歌迷扑爛珍藏唱片洩忿，劃清界線。
撰文：寶妮