【名家足路】各位球迷大家好，今個賽季有我大豪同大家分析英超同歐洲主要聯賽，下周日英超開鑼最矚目大戰：曼聯迎戰車路士，先同大家分析曼聯今季季前準備同踢法。
紅魔守得唔攻得
人腳方面，曼聯今季先後從水晶宮及史雲斯，買入翼衞雲比沙卡及前鋒丹尼爾占士兩名年輕球員，轉會窗關閉前又以8,000萬鎊從李斯特城簽入英格蘭中堅哈利馬古尼，打破華基爾雲迪積克以7,500萬鎊從修咸頓加盟利物浦的紀錄，成為史上最貴後衞，以上幾位新球員相信可填補球隊個別位置能力不足的問題。
曼聯在國冠盃最終未能奪冠，但總算達到練兵效果，其實球隊在整個賽事表現算是不錯，尤其用上大量年輕球員時，令我眼前一亮，最令我留下印象莫過於新加盟球員雲比沙卡，此子雖然只得21歲，但防守對抗性極強，落腳準，一對一都難突破其防守，雖然進攻暫未算起眼，但勝在年輕，進步空間大，相信可成球隊重要一員。
曼聯近季進攻套路單調，此問題由上季遺留至今尚未解決，近期三箭頭以安東尼馬迪爾與拉舒福特為主，配以丹尼爾占士或安達斯彭利拿，以上幾位速度與突破能力甚高，但盧卡古離隊後，前線欠控球能力強的中鋒，進攻多靠兩邊翼鋒切入大位射門，或利用速度作突破，進攻模式不夠立體，遇着中下游主守型球隊未必可以有效撕破對手防線，球隊仍要增聘有把握及控球力的中鋒，否則今季要突破並不容易。
車仔變動大難靠
至於改由林柏特領軍的車路士今季變動大，先有進攻重心夏薩特轉投皇家馬德里，開鑼前又有大衛雷斯轉會阿仙奴，即使中場主力尼高路簡迪今仗能傷癒趕及復出，不過狀態成疑，所以在首輪大戰中曼聯的贏面較高，但比分應該不會太大。
文：陳偉豪