【本報訊】鄺葆賢研究團隊指，有指警方用過期催淚彈，委內瑞拉化學家Monica Krauter調查指，催淚氣體過期後可能化成山埃、碳酰氯等極危險氣體，亦會因罐身缺陷而較易走火。
不清楚有否使用
港島總區高級警司吳樂俊昨回應時指，不清楚過去有否使用過期催淚煙，「我哋有既定程序、既定指引，確保我哋使用嘅武器有嚴格嘅規管，確保我哋使用嘅武器喺譬如衝突嘅場面下，唔會對任何人構成人身安全問題」。
西九龍總區高級警司張惠華回應時指：「催淚煙問題過去已經答過好多次嘞，我哋唔會再重複。」現場記者鼓譟，吳樂俊補充說：「呢方面警察公共關係科係會有一個滿意嘅答案畀大家。」被追問可否承諾不再使用過期催淚彈，吳僅稱會反映，確保會作更詳盡檢查，如發現過期催淚彈會作相對安排，「催淚彈係咪過咗期，就對人體有害，我唔知道，係咪過咗期代表佢失效、用唔到，我自己唔係彈藥專家，我唔可以喺度澄清或者講啲我冇專業嘅答案畀大家聽」。
記者追問警方能否承諾不再使用過期催淚彈，他推說由於彈藥非其本人負責，不能就此作出承諾，「我唔知道將來或之前有冇用過期嘅催淚彈，我好難就住呢個議題畀啲答案大家」。
■記者鄭啟源、曾偉龍