【本報訊】警方歸咎Chloe穿裙掙扎走光，受訪時她故意穿黑色背心和鉛筆裙，展露滿身傷痕。
對警察完全失去信心
抹了口紅的她看起來堅強而冷靜，又向攝記笑言：「影得我瘦啲。」被捕後她沒有流淚，「因為我冇錯……一直覺得自己唔係受害者，我唔係弱者，我唔需要大家同情」。
8月5日下午，示威者為聲援她再包圍天水圍警署，剛保釋的她悄悄地在附近圍觀。Chloe曾與立法會議員毛孟靜商量過開記者會，但害怕被起底，又因非法集結罪被捕，最後作罷，「如果我走出嚟高調開記者會，會唔會警察覺得呢條女咁寸，我特登告你？始終完全失去對警察、對法治嘅信心」。
讓她鼓起勇氣受訪的，是8月5日晚北角新光戲院外收拾垃圾被十多名防暴警按住亂棍毆打的女生。Chloe沒因自己被捕哭泣，但看着北角女生的片段，她說「終於喊到」，「如果第一次承受性暴力嘅所謂受害者都唔出嚟譴責，警察可以繼續以咁嘅手法拉女性」。若有女性以同樣手法被捕而受創傷，她會以過來人身份說：「唔需要因為自己係女仔而驚出嚟（抗爭），女仔唔一定好弱，要人保護，千祈唔好為呢件事羞恥……因為做錯嘅人唔係你。」
「不幸中之大幸，佢（警方）揀中個比較堅強嘅女仔」，說着說着，她笑起來，卻有一點無可奈何。
■記者鄭祉愉