現年37歲的港姐葉翠翠2015年與周曉東（Raymond）婚後生了兩個兒子，翠翠專心做全職媽咪。一直無意再生的翠翠，昨日在社交網宣佈再度陀B。
翠翠接受《蘋果》訪問時表示：「幾個月前發現未嚟月經，就試吓攞驗孕棒驗吓，因為之前買定咗好多驗孕棒同排卵棒，驗咗一支都以為支驗孕棒可能放咗年幾壞咗，於是我再驗第二支同第三支，然後我打畀個中醫，問佢會唔會錯，中醫就話梗係唔會啦，又話我補身補得太好喇！但我收咗線都係驗埋第四支棒。」翠翠笑說：「知道懷孕即刻手震，因為屋企已經好亂，真係怕會爆炸，之前同老公傾過都話唔再生，但我打畀佢，佢知道咗都好開心。」翠翠又表示稍後驗血才知BB性別。
採訪：小米