【本報訊】林鄭昨午會見商界代表後，傍晚再與多個公務員團體會面。據了解，有紀律部隊代表向林鄭表示目前士氣低落，林鄭在開場白則呼籲公務員要「做返自己」，又表明撐警，「冇左警察執法香港就玩完」。
「點確保到我哋安全？」
公務員工會聯合會主席唐麗娥（圖）表示，在會上向特首反映，6月份時社會有連場反修例遊行，公務員當時表現克制，「從來都唔見公務員公開表態反對政府」，直至7月21日元朗發生白衣人無差別打人，警方遲遲未有到場執法，公務員才開始展現強烈不滿，「連警署都落埋閘，好多喺元朗同天水圍返工嘅同事反映，點樣可以確保到佢哋安全？」
另一令公務員憤怒的事件，是事後政務司司長張建宗就元朗襲擊向市民致歉，警務人員以至警察協會竟群起炮轟張建宗，甚至直指張不能代表警隊，惹起不少公務員反感，「呢兩件事發生之後，啲公務員先陸續喺網上show證表達不滿」。
唐不諱言，會上曾向特首建議應成立獨立調查委員會，調查近月修例風波引發的連串衝突，「調查唔係淨係針對警方，係還原成件事，𠵱家你乜都唔做，要前線警員每個星期去處理啲大型遊行集會，咁樣反而先係擺警察上枱」，但林鄭重申不會成立獨立調查委員會。
■記者盧文