與翟偉平合作大搞環保生意的傅鎂瀅和KK周，自稱亦是事件中受害者，合共損失400萬元。出任大灣區環保科技（集團）有限公司主席的傅鎂瀅，自稱是世界旗袍文化總會有限公司創會會長，亦是「世界太太」品牌創辦人，人脈甚廣；她與KK亦有合資生意，經常「孖公仔」出席活動，二人近日更進軍餐飲界，經營主題餐廳。
記者在該主題餐廳找到傅鎂瀅，她自稱新加坡人，祖籍福建，現從事餐飲、地產生意，但否認做過傳銷，又大嘆無辜：「我有四個仔女，養唔到我咩？我又唔係貪慕虛榮，要咁多錢做乜！」傅去年與朋友籌得200萬元投資翟偉平的公司，對他構思的環保項目有信心，還介紹泰國環保署領導予翟認識，將兩部廚餘機運去當地做測試；其後翟叫她成立大灣區環保科技公司負責宣傳推廣工作，還承諾三年內會分期給她300萬元，「但我哋公司去年8月開張，佢第一期錢都冇畀，最後公司成立以來都冇營運過」。
拒報警追討「諒解他財困」
傅的生意拍檔KK亦稱投資了200萬元，現時手上大叠由翟開出的期票已不能兌現，變成廢紙，「翟偉平話經濟有問題，公司資金周轉出問題，叫我哋畀啲時間佢」。
雖然他們合共損失400萬元，但未想過報警追討：「佢（翟偉平）叫我哋畀條路佢，話即使上庭，佢都係分期還錢。」惟至上月已找不到翟，但仍體諒他：「自己也是生意人，會諒解他財政困難。」但否認有份推銷該環保投資計劃：「我一毫子都冇推銷過，我唔識講（推銷）產品，我喺香港算係名人，好多人識我，唔會隨意做一件事。」